DEO, Mokokchung-i metetdaktsür

Dimapur, September 13 (TYO): District Education officer, Mokokchung-i taoba mapang sangdongba ama EBRC Hall, Mokokchung village nung anepdang 10:00 ako nungi September 19 & 20, 2017 anogotem class 6, 7 aser 8 Social sciences aser Science tesayurtem atema orientation/training programme alitsü.
Iba osang ya Sub-Divisional Education Officer, Mokokchung kübok aliba Govt. Middle School ajak dang nenshia metetdaktsür aser Class 6, 7 & 8 nung Science mesüra Social Sciences tesayurtem ajak yoktsü shisemer, ta SDEO, Mkg, R. Imsusenla-i tanü sangdong ka nung ashi.
Iba training nung adenba tesayurji pei pei school nung shisalen sayurtem asütsü. Maneni school temi training-i yoktsü shimba tesayur tenüng agütsütsü metetdaktsür, ta R. Imsusenla-ia sangdong nung shisem.