Dimapur nung basketball clinic aka

Dimapur, September 09 (TYO): Nagaland Basketball Association den külemi Dorians Society ajanga basketball clinic ka Dimapur Government College indang basketball court nung anogo ana ayongzüka agi. Iba sentong nung International Basketball Federation (FIBA) nungi referee Atanu Banerjee den basketball asaya nung mongin, Satyabrata Nayak aser Amalendu Kumar Singh nungertemi basketball asaya nung amshiba yimya balala nung tesayuba agütsü.
Basketball asayartem, coach aser referee atema aliba coaching camp tembangba sülen osangbener den jembidang, “Tanü-asüng tensa nung basketball asayaba yimya metettsü asoshi asayartemi tesem balala nung shilem agitsüla,” ta Banerjee-i ashi.
“Iba asaya nung ketdangsertem takotet melira tesayuba agütsütsü asoshi lenmang mali,” ta pai shisem.