Dimapur nung Free Eye Screening Camp agitsü

Dimapur, September 15 (TYO): Dimapur nung Lions Club-i Lionistic Year 2017-2018 atema 1 buba Free Eye Screening Camp ayongzüka agitsü.
Camp ji September 16 & 17, 2017 anogotem anepdang 8:00 ako nungi Lions Health Centre, Midland, PWD Road, Dimapur nung agitsü.
Iba sentong ya Jorhat Lions Eye Hospital den yaritepa ayongzüker aser angati mozü dena agütsütsü.
I.O.L. Surgery (Cataract) atema operation jibo Jorhat Lions Eye Hospital nung agitsü aser iba atema Dimapur nung Lions Club-i teyari agütsütsü.
Iba camp nung dennürtemi Lions Health Centre, Midland (9862828240); Inder Automobiles, Circular Road (9774012458) aser Mahabir Printing Press, G S Road (9436007399) nung form meshia register asütsü ako.
Maneni, osang tejangja metetnürtemi Lion Pawan Maheshwari, Project Chairman (9436003280) den tongteprateptsü akok.