Dimapur nung Voters Slip atema sangdonger

Dimapur, Tsüklai 16 (TYO): Dimapur DC & DEO, Sushil Kumar Patel, IAS-i sangdong ka ajanga Dimapur district nung voters ajak dang, voter’s slip ji Tsüklai 18, 2018 nikongdang 1:00 ako nungi Sector Officers aser Returning Officers-i ketdangsüa repranga lia BLOs nung agutsütsü, ta metetdaktsü.
ASD (marurtem, tesem melenshir alirtem aser asürtem) indang voter’ slip ji Tsüklai 21, 2018 nungi peipei Returning Officer nem meyipa agutsütsü, ta paisa metetdaktsü.