Dimapur Railway station nung mozü shibelener apu

Dimapur, October 19 (TYO) : Osang tejangja kar angazükba sülen October 18 nikongtsütsü 2:45 ako meta Railway station nung mozü shibelener ka apu.

Iba nisung ya Gupteshwar Shah ta jangjaogo aser pa ya Bhojpur, Bihar nungi asür Ganga Shah’er jabaso lir.

Rajendra Nagar nungi Mariani tashi aoba Rajendra nagar Express train nung senzürtem mita reprangdang, nisung ka apu, ta RPF osang ajanga metetdaktsü.

Pa indang yangkhu ana lapoka reprangdangdang polythene bags 7 nung spasmo proxyvon süngjang 40,000 aser nitrosun süngjang strip 200 bena liasü. Pa den külemi apuba mozütemji GRPS ket nung agütsüogo, ta RPF osang ajangasa ashi.