Dimapur railway station nung nisung mejanga odaktsüba mozü abener 2 apu

Dimapur, July 6 (TYO) : Deobar aonung 10:25 ako meta RPF aser GRPF sepaitemi Dimapur railway station nung nisung ana ket nungi ozüng anema mozü bena aliba apu. Tenati bena aliba mozüji nisung mejanga odaktsütsü asoshi amshiba mozü laisü.
Tena ya Kamrup, Assam nungi Mokshad Ali (50) aser Kokrajhar, Assam nungi Jajan Uddin Sheikh (33) ta jangjaogo.
Police osang ajanga ashiba agi, tena ya railway platform nung taitsü keta senzüya aliba angu aser iba sülen police telok kati tena sülen anidaka orr BG Express train taktang ka nung apu.
Police-i tena pur mita reprangdang Ali ket nungi Ativan tablets (2mg) strip 9, maaza juice packets 2, biscuit packet 1, syrine 1 aser super glue 1 bena liasü. Ano Jahan ket nungi maaza juice packet ka bena liasü.
Ali aser Jahan nati police tsüngdang nangzükba agi, tenati chiyungtsü nung mejanga aoba mozüji enoker chidaktsü aser iba sülen parnok indang osettsüsettem auya.
Tenaprongla den külemi tena ket nungi apuba ajakji GRPF police station ket nung agütsüogo.