Djokovic-i Nadal’er rankings otsü menepogo

Madrid, July 28 (Agencies): Serbia nunger Novak Djokovic-i points 13,845 tashi ngua yashi, Hombar nü adoktsüba tesüsaba tebur ATP Rankings nung temaba jenjang nung aliba osang jangjaogo.
Tan tesüsa osang adokba sülen Djokovic-i Spain nunger Rafael Nadal-i yangluba otsü menepa tebur World No. 1 jenjang hopta 56 tashi atonga abener kümogo.
Ajisüaka, John McEnroe-i otsüsütsüsa temaba jenjang hopta 58 tashi atonga abenba otsübo Djokovic-i tanü tashi memepi lir.
Djokovic sülen anidaka, Switzerland nunger Roger Federer tanabuba aser Britain nunger Andy Murray tasembuba jenjang nung lir.
Nadal-bo teküboklen lua tang 10 buba jenjang nung aliba osang jangjaogo.
Tebur top-5 tarensen yamai lir:
1. Novak Djokovic (Serbia) 13,845 points
2. Roger Federer (Switzerland) 9,665
3. Andy Murray (Scotland) 7,840
4. Stan Wawrinka (Switzerland) 5,790
5. Kei Nishikori (Japan) 5,525