Djokovic o Federer na Deobar nü final asayatsü

London, July 10 (Agencies): Serbia nunger Novak Djokovic aser Switzerland nunger Roger Federer nati par semifinal asaya akokba sülen tang tasayadak Wimbledon tebur singles final asayatsü jenjang tanü Hokolbar nü nguogo.
Defending champion Djokovic-i France nunger Richard Gasquet madak semifinal asaya koka tan agi 4 buba Wimbledon tebur singles shilem indang final asayatsü jenjang ajangzük.
Arishi küm 28 tain Djokovic-i tanü ghonda 2 ser minute 20 nung aces 12 aser winners 46 yanglua points 7-6 (7/2), 6-4, 6-4 agi Gasquet madak takok angu.
Djokovic-i tan mezüngsüa kasa küm nung Wimbledon, Australian aser French Open asayamong final asayatsü jenjang nguteter lir.
Taoba mapang nung Wimbledon takok marok 7 tashi agizüksang, Federer-ia tanü points 7-5, 7-5, 6-4 ngua Britain nunger Andy Murray madak ayong ayong takok nguogo.
Tan agi 10 benbuba atema Wimbledon final nung shilem agitsü jenjang angusang, Federer-i Djokovic den tan Deobar nü final asayatsü.
Ano külen, India’er tennis asayar mongin, Sania Mirza aser la den külemi asayala, Switzerland tsür Martina Hingis nati semifinal asaya akokba sülen tetsür doubles shilem indang final asayatsü jenjang tanü nguogo.
Tan asayamong nung temaba jenjang nung alir, Mirza o Hingis nati tanü minute 56 nung points 6-1, 6-2 ngua America tsür Raquel Kops-Jones aser Abigail Spears na semifinal nung tsükdaktsü.
Mirza o Hingis nati tan asayamong nung tanabuba jenjang abener, Russia tsür Ekaterina Makarova aser Elena Vesnina na den final nung ajuruteptsü.

You must be logged in to post a comment Login