Dmr nung ‘Puma’ taila ayoker 3 apu

Dimapur, Aenjeti 13 (TYO): Aenjeti 12, 2018 nü East Police Station nungi police den Mangalore nungi PUMA Company nungi Attorney ka densema Dimapur nung New Market aser NL Road area nung aliba melung malemba süoshi/tsüngsem dokan kar mita ao; shishilembar kari Trade Marks (Cat logo) dena aliba taila (duplicate) PUMA products ayoker ta osang angazükba sülen parnoki mita ao, ta tanü Addl. Dy. Commissioner of Police/PRO, Dimapur, Nagaland sangdong ka ajanga metetdaktsü.
Iba mapang nung item dokan aser kiburtem ket nungi item ya apu:
Babu Garment Shop, NL Road, Dimapur nung Track Pant Puma- 37, T. Shirt- 1 aser Track Suit – 6; Deepak Store, NL Road, Dimapur nung Ladies wear Puma – 118, Track Pant Puma- 33 aser Track Suit Puma- 18.
Ano iba dak alia peipei dokan nungi item nisung apu: Ghandi Das (küm 51), Proprietor of Babu Garment Shop, NL Road, Dimapur, Biswajit Gosh (42 yrs), Proprietor of Babu Garment Shop, NL Road, Dimapur aser Bakul Saha (40yrs), Proprietor of Deepak Store, NL Road, Dimapur.
Par asemprong den süoshi/osettemji East Police Station-i bener ao aser 008/18 u/s 120 (B)/420 IPC R/W 63 Copy Right Act nung ajemdaker ken o ka benok, aser bushisüngdangba ajanga item süoshi/oset ajakji Myanmar nungi ozüng alema alia shibelenba bener aruba sülen ayoker liasü, ta bushitet, ta kasa sangdong nung shia lir.