Dmr nung training 2buba shilem agiogo

Dimapur, Tsüklai 18 (TYO): Taruba Nagaland Legislative Assembly election atema Presiding Officers aser 1st Polling Officers asoshi training 2buba shilem Tsüklai 16, 2018 nü Dimapur College nung agiogo, ta ketdangsertem osang ka ajanga metetdaktsü.
Dimapur Deputy Commissioner & DEO, Sushil Kumar Patel-i training agiba mapang nung class takdang ajak semdanga liasü, aser iba mapang nung pai polling personnels ajak dang pei nem lemzüktsüba mapa kanga nendaka inyaktsü aser VVPAT machines nung teka ia angazüktsü ajungshia liasü, ta kasa osang ajanga metetdaktsü.