Dornier tayimtsü samar anogo 33 sülen TN tzüyimkümlen nguogo

Chennai, July 10 (Agencies): Indian Coast Guard indang Dornier tayimtsü ka samar anogo 33 sülen Hokolbar nü Tamil Nadu tzüyimkümlen tayimtsü indang flight recorder den tayimtsü tejaksatem nguogo.

Anogo 33 tashi tzüyim aser ali naprongla nung tanen makai bushiba sülen Tamil Nadu tzüyimkümlen tzü telunglen metre 950 iir nguogo.

“Tayimtsü tejaksaji INS Sindhudhwaj-i ROV Support Vessel, Olympic Canyon, TX ajanga ngutet,” ta Ministry of Defence Principal otongdar, Sitanshu Kar-i twitter ajanga metetdaktsü.

Ajisüaka lendong atalokba mapang tayimtsü nung mena alir nisung asem indang osangbo kecha nguteta mali.

Coast Guard Dornier tayimtsü, CG-791 ji surveillance asoshi June 8, 2015 nü Tamil Nadu tzüyimkümlen nungi apusoa liasü. Iba tayimtsüji Goa tzüyimkümlen tsükok südi ta bilema liasü, aser iba mapang nungjagi tayimtsü samaba temaitsü kecha mengutetaka Coast Guard aser Navy-i tanen makai bushia liasü.

You must be logged in to post a comment Login