Doyang Reservoir nung angopuba tetoktepba aka

Dimapur, December 6 (TYO): Department of Fisheries (GON) puri senotsü teyari agüja Anglers Association Nagaland (AAN) aser District Anglers Wokha Nagaland (DAWN) puri ayongzüka December 4 aser 5nü Whoka district kübok Doyang reservoir nung ango puba tetoktepba takok ngua kaogo. GON ajanga iba tetoktepba nung senpet balala atema sen lakh 2 agütsü.
Tetoktepba categories asem küma lemsar aka; Mahseer, Pole Rod aser tanga category ka.
Mezüngbuba anogo nung traditional pole rod angling tetoktepba nung tetoktepertem mapa adakzüker ango apuba nung pole rod ka aser hook ka dang amshidaktsü. Tanabuba anago nung tetoktepertem nem rod ka den hook anana amshitsü asoshi mela. Mezüngbuba anogo nung takokertemji: Rex Moirangthem (Manipur) mezüngbuba, Mhonyamo E-Rui (Wokha) tanabuba, Naba Kishwvor (Manipur)tasembuba, N.Yanbemo Patton (Wokha) pezübuba, Achum Kithan (Dimapur) pongububa, ta liasü. Iba tetoktepba nung ango tulutiba apusangnem senpet sen 50,000 agütsü.
Director (F), Neitho Kuotsu iba sentong nung tongti tesemdanger asü aser pai Hornbill Angling competition nung takok angurtemnem tenüngsang agütsü.