Dr. Er. Vikuotuolie-i Congress nung aden

Kohima, October 18 (TYO): Nagaland nung Congress telok atema tajangzük tulu ka nguogo aser ibaji Independent Candidate aser PHED nung retired Engineer in Chief, Dr. Er. Vikuotuolie, PhD adenba ajanga lir.
Kohima District Congress Committee (KDCC) tir, Kevi Vizo-i sangdong ka nung Dr. Er. Vikuotuolie-i Congress Party nung adenba pelashishia agizükba shia lir.
“Tawa tu Dr. Er. Vikuotuolie, PhD Congress nung züngsem aküm aser pai NPCC tir K. Therie lenisüba kübok party tashi aittsü atema inyakba mapa nung yariteptsü ta shiogo” ta Kevi Vizo-isa sangdong nung shia lir.
“Nagaland nung Congress party lennir tejentem rongnung Therie ka lir aser pai party tashi itshitsü atema mapa inyakba nung Dr. Er. Vikuotuolie-i yariteptsü nangzükogo” ta KDCC tirisa shisem.
Dr. Er. Vikuotuolie, PhD-i public service nung mapang talangka inyaker party nung adenba ajanga state nung party züngsemtem aser talisa Kohima district nung züngsemtem ajungmesotsü ta KDCC-i imlar, ta sangdong nungsa shia lir.