Dr Jitendra -i “North East Calling” festival lapoktsü

New Delhi, September 09 (Agencies): Union Minister of State (Independent Charge) of the Ministry of Development of North Eastern Region (DoNER), MoS PMO, Personnel, Public Grievances & Pensions, Atomic Energy & Space, Dr Jitendra Singh-i tanü “North East Calling” festival lapoktsüogo.
“North East Calling” sentong ya India sorkar, Ministry of Development of North Eastern Region (DoNER)-i ayongzükba sentong ka lir. Iba sentong ya North East India sobaliba, chiyongtsü, art, heritage, handicrafts, business aser tourism ajungkettsüba atema lir.
Kasa sentong nung Dr Jitendra Singh-i ano ‘North East Venture Fund’ amenoktsüogo, koba Ministry of DoNER aser North Eastern Development Finance Corporation Ltd na sentepa tenzükba sentong ka lir. Minister-i maneni North East nung tourism ajungkettsüba atema ‘North East Tourism Development Council’ amenoktsüogo.
Iba sentong nung jembidang Dr Jitendra Singh-i Ministry of DoNER aser Ministry nung sendaka aliba Assistant Secretary temi iba sentong takok asoshi bendanga agüja inyakba atema parnok tenüngsang agutsü.
Pai maneni nüburtem dang iba benjungdaki arua semdanga northeast indang sobaliba jangaa angatettsü asoshi mepishi.
Paisa ashiba agi, iba sentong ajanga Northeast tesem rongsenkettsüng aser sobaliba tali ajungkettsü aser India den ano anasabai anir arutsü.
Pai ashiba agi, parnok nükjidongji North East linük nung tanüngba tesem anasai anir arutsüba masü saka India nung tanga tesemtem northeast anasai anir arutsübaji lir.
Maneni Minister-i ashiba agi, North East tesem tem nung tangazüktsü aika lir aser merekmejuba tsütsü India nung tanüngba tesemtemi Northeast nungi angazüktsü nüngdaker.
Tanga mapatem indang jembidang Minister-i ashiba agi, Jawaharlal Nehru University (JNU) campus nung Barak Hostel amenoktsüba nüngshilong taküm azüngtsüogo aser yaküm Northeast nungi kaketshir tetsürtem kija atema Bangalore University nung hostel ka lapoktsüba atema nüngshilong azüngtsüogo. Paisa ashiba agi, North Eastern Cultural and Information Centre yakta Delhi nung amenoktsü.
Iba benjung shibangba sentong nung Cabinet Secretary P K Sinha tongti tesemdanger asütsü. Iba sentong nung tetoktepba balala (Photography aser Caption Contest, video contest, “Connect NE” omen nung ajemdaker College tem atema Choreography Contest, school aser college atema Quiz Competition, lokti nung North-Eastern sobutsü tajungtiba, Home Chef Contest) nung takoker nem sempet agütsütsü.
Anogo ana benjung mapang North East sobaliba balala sayatsü. Item rongnung, tsüngsang, kenten balala, chiyongtsü, Handloom ajanga northeast nung adokba süoshitem sayatsü.

You must be logged in to post a comment Login