ECI-i NLA election nung EVM, VVPAT amshitsü sangdong

Dimapur, Tsüklai 18 (TYO): Election Commission of India (ECI)-i sangdong ka ajanga Nagaland nung assembly election agiba mapang constituency ajak nung amshitsü atema Electronic Voting Machines aser Printers for printing Paper Trail [Voter Verifiable Paper Audit Trail(VVPAT)] peria aliba atema pelaba olen ka metetdaktsü, ta Media Cell, CEO Nagaland sangdong ka ajanga metetdaktsü.
ECI-isa EVMs aser VVPAT Printers amshitsü atema polling personnel tem junga training agiogo aser vote agutsütsüpurtemia item Machines inyakyim meteta lir, ta metetdaktsü.
Iba dak sendakba nung Commission-i, Conduct of Elections Rules, 1961 kübok taruba Nagaland Legislative Assembly, 2018 election nung votes ajungaji EVMs aser VVPAT printers ajanga agutsütsü aser record asutsü, iba den külemi mapang shia Commission-i nüngdakba temetettsü balala metetdaktsütsü, ta shiogo.
Assembly constituency balala nung votes agütsütsü aser record asutsü atema Bharat Electronics Ltd., Bangalore aser Electronics Corporation of India Ltd., Hyderabad nati yangluba EVM aser VVPAT Printers design ji Commission-i agizükogo, ta kasa osang ajangasa metetdaktsü.