ECI team-i Nagaland semdangtsü

Kohima, Tsüklai 13 (TYO): CEO Nagaland, Abhijit Sinha, IAS-i sangdong ka ajanga, Nagaland nung taruba assembly election agitsü atema terenemsiba reprangdanga asadangtsü atema Election Commission of India (ECI) ketdangsertem team kati Tsüklai 14-15, 2018 anogotem nung state semdangtsü, ta metetdaktsü.
Parnoki Hotel Japfu, Kohima nung yimtenren party balala den senden amentsü, iba sülen CEO Nagaland aser State Police Nodal officers temi presentation agutsütsü, aser DEOs /SPs /Commissioner /IG CRPF /DIG ranges ajak den senden amentsü, ta metetdaktsü.
CEO Nagaland, Abhijit Sinha, IAS-isa, ano income Tax Department, Excise, RBI, State aser Central naprong nungi Narcotics den senden amentsü, ta metetdaktsü.
Tsüklai 15, 2018 nü ECI team-isa Nagaland Chief Secretary, DGP aser state sorkar nung tongti ketdangsertem ajurua senden amentsü, iba sülen anepdang 10:45 ako nungi Hotel Japfu nung osangbenertem den jembiba sülen Shillong-i apusoa aotsü, ta kasa osang ajanga metetdaktsü.
ECI team-i semdangba mezüng anogo- Tsüklai, 14 nikongdang 2:55 ako nungi Hotel Japfu Kohima nung SVEEP photo exhibition alitsü, iba sülen SVEEP booklet sayatsü.
Iba dak sendakba nung CEO, Nagaland-i osang proktsü atema Print aser Electronic media pur ajak jaoka nikongdang 2:40 ako tashi nungbo tesem tonger alitsü metetdaktsü.