Egypt-i küm 10 sülen Gaza border lapoktsü

Rafah, November 18 (Agencies): Küm 10 shi sülen Palestinian Authority-i Egypt-i aoba Gaza border lenmang ketdangsüa repranger.
Honibarnü Egypt-i humanitarian inyakyim nung ajemdaker anogo asemnü atema Rafah crossing point lapoktsü.
Israel aser Egypt tsüngda sendaktepba lenmang ya telungpur telok Hamas-i azüoka liasü saka küm 10 shi ka lir iba tesem Palestinian Authority ketdangsüba küboki aitogo.
2007 küm Hamas-i tashiyim agi Gaza azüok. Iba ajanga Israeli-Egyptian tenokdangbaji agütsütsüsa aküm aser Gaza nung alir nisung million 2 shi ka senzüsenbongba nung tetsükdaktsü ajuru.
Taküm November 1 nü Hamas-i iba lenmang azüokba toktsü aser iba ya Egypt-i Palestinian President Mahmoud Abbas’er Fatah party den tesentaktep yanglutsü atema inyakba mapa nung mezüngbuba tajangzük anguba liasü.
Tan ita Cairo yimti nung olemtep maneni tenzüktsü aser iba mapang Palestinian Authority-i Gaza madak yimsü asüba den tanga linük dak sendakba onüktem benoka olemteptsü.