Election nüngshi

– N. Imo Longkümer CTN.

Asenoki ajangshia aruba ama kodang Nagaland nung election arudir Aor-i moijing nem sodi agütsür aser parnok mapa ajak melenzüka kanga mejungi inyaker. Mapa tamajung ajak Ao kin nungi Aor-i tenzüker.
Aor tesadang ka bendang lima nung lir, parnoki candidate den tenangzüktepa jenti agia sen jenti agir yimtsüngi arua yimer tsüngda mangatettep telemsa adokdaktsür. Parnok sülen manidakertem amokmerena, mezüngmeshia, o tamajung tulu shia merenshir. Iba mapang Tsüngremi tatok magütsütettsüsa jembizüker aser inyaksemer. Itemji Tsüngremi telangzüba agütsüba ngua arur. Kechiaser o ji taküm.
1. Pei adenba teloki par candidate adokdaktsütsü atema yimer tsüngdang molosüngzü akümba.
2. Pei-i mulungba nem vote agütsütsü pur dang vote rakzükba.
3. Election meji nisung züka merenshiba, oset raksatsüba, pua ayuba, ki rongtsüba itemji atakatem kaotsü mapa lir.
4. Yimdak nungi aridokba, senso nungi jendokdi ta renemba
5. Tangar party indang intelligent-a ta molung malem kibong rangpen mezüngmeshia merenshiba.
6. Moijing nem sodi agütsür par melena inyaker asünung alima nung akaba mapa tamajung ajak inyaker.
HEY! ELECTION NUNG TAKOK NGUOGO
1. Ki-a marble agi süteper, gari-a taginüba aliogo, MLA-bai tanur aser kinünger ajak mapai idaktsüogo. Koda tashi tulu?
2. Saka tesasatsüka küm ana asem majungdang kinüngtsü süadoker, kar kinüngbo süadoker. Tasüba agi memenepertema doctor-i meputetba tashidak agi meneper joko pei yipden anüker küma lir.
3. Ano pei chirtema maneptetba tashidak agi tonger Hospital ajak sema bener jajar koda temeimtsü. Election nung amshiba power to samaogo.
4. Sodi agüja aliba moijingi tanaben charge to agizükdang kinünger ajak amsema agizüker. Tsüngremi inyaker ta alimai metettsüla.
5. Sen tera agi mesüzüktetla sen arishirtem, item jagi party finance incharge dang süner, aji mesüra aiben party meyipshia senzütsü.
6. Nüburi atakatema sarasademba yi ajemer süjen südagi, ano tanü election merüktsü atema nüktzü yima sarasademer, anungji aibelener den Tsüngremi tesayuba balala agi jembitsü.
Paper azüngertem Tsüngremi moajang.