Epibeni-i Miss Dimapur 2017 takok korang nguogo

Dimapur, October 27 (TYO): Dimapur Govt College nung azünger arishi küm 19 tain Epibeni-i Miss Dimapur 2017 takok korang nguogo.
Hokolbar nikongdang The Ethnic Group of Nagaland (EGoN)-i IMC Hall, Dimapur nung iba tetoktepba ayonga agi aser taküm indang omenji “Make Voting a Fashion Statement” liasü.
Epibeni ya DGC nung first semester kaketshir ka lir aser lai tetokteper 17 madak takok angu. Miss Dimapur 2016 Shenili Chishi-i la nem takok korang semoktsü.
Miss Dimapur 2017 nung tanabuba jenjangji Ravinu Lama aser tasembubaji Zhimoholi nati takok angu.
Taonung agiba sentong nung Miss Dimapur 2017 shimba dang masü saka Miss Photogenic, Miss Catwalk, Miss Congeniality, Style Icon 2017, EGoN Fitness Icon, EGoN Fresh Face, Best Ethnic Wear, Miss Body Beautiful aser Miss Beautiful Skin takok angurtem nem-a tetushi agüja liasü.
Miss Dimapur 2017 nung tetoktepertemji ita ka tashi training balala agia aru aser tetendangertemi Ethnic Wear, Cocktail Round, Designer Round, Q & A sessions amala round balala agia shimtet.