Europe nung aliba yimti 200 dak temai gari anogo 1 mesenzüdaktsütsü renemer

Stockholm, July 22 (Agencies): Europe nung aliba yimti 200 dak temai yimti tesem kar nung anogo 1 atema gari mesenzüdaktsütsü renemogo.

Gari senzüba ajanga adokba mokozü ajemdaktsütsü nükjidong nung iba terenemshiba ya agir lir.

Iba sentong nung shilem agir yimtitem rongnung yimti tulutibaji Sweden kübok tentetba Stockholm lir aser iba yimti kübok tentetba teshimtet gari lenmang kar nung taküm September ita 19 nü gari ka danga mesenzüdaktsütsü renema lir.

“Teshimtet lenmang kar nung gari anogo ka tepiyong mesenzüdaktsüba ajanga nüburtemi yimti tebur ajungba reprangtettsü aser gari senzüba ajanga adokba mokozüa anogo ka indang shilem agi tajemba akümtsü,” ta Stockholm traffic division lenisang, Daniel Hellden-i metetdaktsü.

“Stokcholm nüburtemia yimti sorkar den amalitep lia taküm September 19 nüji pei meyong gari manishitsü imlar,” ta pai ashi.

Stockholm den külemi, Lisbon, Portugal aser Budapest nungera Europe nung tentetba yimti 200 dak temai inyaktsü renemba sentong nung shilem agitsü renema lir.

France kübok Paris nunga teshimtet lenmang kar nung anogo tasadang ka gari mesenzüdaktsüba sentong taküm March ita takok ngua agiba osang bushitetogo.