Excise dept.-i yi aser mozü jenti puogo

Dimapur, Tsüklai 13 (TYO): Nagaland Assembly Election 2018 dak sendakba nung Election Commission of India den Chief Electoral Officer, Nagaland-i tetuyuba agüja aliba nung ajemdaker Excise & Prohibition Department-i state nung yi aser temesepba mozü shibelena bener aruba junga mita reprangdar, ta tanü Additional Commissioner of Excise & State Nodal Officer EEM, Nagaland, Dimapur, Visedelie Mepfuo-i sangdong ka nung metetdaktsü.
Tsüklai 1-12, 2018 tsüngda Nagaland Excise & Prohibition Department-i state tesem ajaklen sen lakh 30 shi jenjang yi aser temesepba mozü aika puogo, aser item rongnung- IMFL yi 5,571 ltrs, Country liquor 3,238 ltrs, Spasmo proxyvon mozü 9,826, Nitrosun tablet 3,217, Codeine (aket-mozü) pongdang 600 densema lir. Iba dak sendakba nung 241 ben mita ao, nisung 159 apu, senchi Rs. 1,26,500 achi aser court nung ken o pongu benokogo.
Election tesünep nung junga agitettsü atema Election Commission of India, Chief Electoral Officer, Nagaland aser District Administration den amalitepa State Excise & Prohibition Department Nodal Department for Election Expenditure Monitoring ama district 11 prongla nung ozüng alema benshibatem mita reprangtsü atema 24X7 Control Room amenoka lir, ta kasa osang ajanga mtetdaktsü.