FIFA U-17 World Cup atema Amarjit Singh captain shim

New Delhi, September 19, 2017 (Agencies): India-i FIFA World Cup asaya mezüngbuba asayatsü hopta ana shi dang anünga lia midfielder Amarjit Singh Khiyam-i captain sür JLN Stadium nung USA den asayatsü, ta osang angazükogo.
India aser USA na asayaji October 6, 2017 nü asayatsü aser par külem asayartemi secret ballot ka ajanga Amarjit captain asütsü shim, ta osang angazüker. Iba mapaji Portugese coach Luis Norton de Matos-i ketdangsüa inyak.
India national camp nung asayar 27 prongla dang parnoki captain südaktsünüba asayar asemsem ashitsü asüngdang. Tenüng asem rongnung mezüngbuba nem point 5, tanabuba nem point 3 aser tasembuba nem point 1 agütsütsü latet.
Parnoki voting asüba sülen reprangdangdang asayar 26-i Amarjit tenüng benoka liasü aser pai points teimba ngua captain asütsü shim.
Amarjit-i India Under 17 team nungi match 29 tashi asayaogo aser tang shima aliba asayartem rongnung most experienced player ji pa aser Komal Thatal na dang lir.
Maneni, Amarjit den yariteptsü atema Jitendra Singh shimtsü akok.
Amarjit ya Manipur nung soa intet aser pa tebu tanubo ajanga pa Chandigarh Football Academy nung züngsem küma football asayatsü tenzük.
India U-17 team pur tang Goa nung FIFA U-17 World Cup atema training tagidak lir. Parnoki September 20, 2017 nü Mauritius den warm up match asayatsü.

You must be logged in to post a comment Login