Film yanglur tejen WB Rao süogo

Mumbai, Aenjeti 17 (Agencies): Veteran cinematographer W.B. Rao shibai Hum, Khuda Gawah aser Rangeela nunger amala film nung shilem agia liasü, pa Sangtennü süogo, ta Western Indian Cinematographer’s Association (WICA) nungi ketdangser kati metetdaktsü.
Pa Bhartiya Arogya Nidhi Hospital nung asü, kong pa ICU nung yua liasü, ta ketdangser-isa ashi
Film yanglur Sangeeth Sivan-i Rao asüba asükhu lemsatepogo. “Ajaki kanga dang sapuba aser akhümtsübua aliba cinematographer W.B. Rao asenok nungi bilaogo. Kü atema pai yangluba film ‘Hum’, ‘Khuda Gawah’ aser ‘Rangeela’ nunger tesapuba asü,” ta Sivan-i tweet asü.
Rao ya film industry nung küm 40 shi shilem agia aruogo, aser iba mapang nung pai film 30 shi yangluogo. Pai, Hum (1991), Khuda Gawah (1992), Rangeela (1995), Raja Hindustani (1996), Dhadkan (2000), Judwaa (1997), Har Dil Jo Pyar Karega (2000) aser Talaash: The Hunt Begins (2003) nunger amala film tem nung shilem agia liasü..
Rao Hindi film industry nung mezüng shilem agidang cinematographer, screen writer aser director Pravin Bhatt indang assistant ka ama inyak. Pa cinematographer ka ama 1987 küm Vinod Khanna, Dimple Kapadia aser Suresh Oberoi nungeri tongti shilem agiba film ‘Mukul Anand’s Insaaf’ nungi shilem agi tenzük.
Pa taküm aliba mapang nung actor Sajid Khan den interview ka nung Rao-i ashiba agi, pa indang career nungi film ka shimtsü sa kümra pai Amitabh Bachchan, Sridevi aser Nagarjuna nungeri tongti shilem agiba film ‘Khuda Gawah’ shimtsü.