Food Safety & Standards Authority of India

Food Safety & Standards Authority of India (FSSAI)-i chiyungtsü aleptsü atema osangkaket amshiba nokdangogo. Iba atema FSSAI-i Union territories aser state ajak nung Food Safety commissioner tem dang, osangkaket shidi agi chiyungtsü balala alepba nokdangang ta tuyuogo.
India nung nisung aikati osangkaket shiditem agi chiyungtsü balala aleper/temer ayoker, ajisüaka ibaji ajanga osangkaket nung aliba shihaiji (ink) chiyungtsü den meyoketeper, aser ibaji temang atema kanga majung.
Osangkakettem menüngba nung amshiba ink nungji bioactive materials, temang atema ledong aketba pigments, sentsü, additives, binders, preservatives, chemical aser pathogenic micro-organisms lir, aser itemji temang atema kanga majung.
Food Safety and Standards Authority Act 2006 kübok FSSAI ya tentet aser iba agency ya Union Ministry of Health & Family Welfare kübok inyaker.