Foster’s FC, Sporting Club, EIMI United & Naga Terriers puri kokogo

Kohima, November 6 (TYO): Tang tasayadak 23buba Classic Cup tanü asaya nung Foster’s Football Club, Sporting Club, EIMI United aser Naga Terriers puri pei tata asaya koka last-16-i iogo. Iba asayamung ya Classic Club puri “Creating a better world through football” omen nung ajemdaker Kohima Local Ground nung ayongzüka asayadaki.
Tanü asaya mezüngbuba nung Foster’s FC puri Seiyhazou Hill Boys FC goal 2-0 agi kokogo. Asaya nung goal anaprongla Avilie Tsükrü-i idaktsü. Pai mezüngbuba goal asaya tenzüker mezüngbuba minute nung idakja iba asayamung nung goal tekaratiba idaktsüba otsü tasen ka yangluogo. Iba sülen tanabuba goal pai minute 22buba nung idaktsü.
Tanabuba asaya Sporting Club aser Dejavu FC na kanga toktepa asayaogo. Mapang atakzüker asayaba nung telok kati danga goal magütsütetba sülen tie-breaker asayaba nung Sporting Club puri 6-5 agi Dejavu FC madak takok nguogo.
Tasembuba asaya nung EIMI United-i Veracious FC 2-1 agi kokogo. Asaya nung mezüngbuba goal Lalminhao-i minute 12buba nung idaktsü aser iba sülen tanabuba goal Janghao-i minute 42buba nung idaktsü, kasa mapang nung Veracious pur atema goal kaji Tseio Khutso-i idaktsü.
Tanü asaya tatembangbuba nung Naga Terriers puri United Kimhoma Youth FC 4-0 agi kokogo. Khampai Konyak-i minute 11 aser 25buba nung, ta goal ana idaktsü aser Khuanjang o Tiakaba nati tasembuba aser pezübuba goal minute 53 aser 57 buba nung idaktsü.
November 7 nü asaya yamai alitsü:
* Tseidi FC vs Friendship United FC @ 10:00AM
* Botsa Students’ FC vs Kezekevi FC @ 11:30AM
* Diki Warriors’ FC vs FC Chizami United @ 1:00PM
* New Market XI vs Jakha FC @ 2:30PM