Four Nations Hockey Asayamung nung Belgium-i India akok

Tauranga, Aenjeti 18 (Agencies): Yangtepnü Four Nations Hockey asayamong Tauranga nung asaya tasembuba nung India hockey team-i kanga meranga asaya saka takok mengüteti Belgium nungeri parnok madak takok ngüa liasü.
Asaya nung Arthur De Sloover aser Victor Wegnez nati minute 8buba aser minute 34 buba nung Belgium team atema goal ka ka agütsü.
India nunger defender temi asaya piyong kanga junga asaya, saka midfielders temi parnoki asayanüba ama mesayatet. Asaya tenzükli nungi Belgium team-i maneni goal idaktsütsü asoshi asaya aser parnoki maongka aika yangluteta liasü.
Rasemnü India nugeri Japan den asayaba ama Belgium den asaya saka parnok asoshi tamakok kaji parnoki penalty corner ka danga goal agütsütsüsa magitet. India team-i asaya peyong nung penalty corner püngo tashi agi, saka Belgium goalkeeper adena ball ka danga meyoktet.
Asaya tanabuba shilem tenzüker mapang tatsüka dang lir Wegnez-i tanabuba goal agüja Belgium nunger goal 2 agi iba asaya nung India nunger madak takok ngüa liasü.
Asaya tatemtsü minute pongu lia Mandeep Singh-i goal idaktsütsü asoshi maongka tajung ka ngutet, saka pai ball goal post adena temaleni zükdok.