Google Pixel 2, Pixel 2 XL pre-order nung Flipkart-i sen 8,000 meyiba agütsür

New Delhi, October 27 (Agencies): Flipkart ajanga Google Pixel 2 aser Pixel 2 XL smartphone tem pre-registration agizük tenzükogo. Second-generation Pixel device aliba sentong nung Flipkart ajanga offer aika agütsür aser item rongnung jenjang tajemba, cash back aser buyback scheme tem lir.
Pixel 2 aser Pixel 2 XL ya 64GB aser 128GB nung angutsü aser sen 61,000 aser 73,000 agi alitettsü.
Pre-order nung Flipkart ajanga mobile model teshiemtet kar den melentepba nung sen 5,000 agi tajemba, sen 11,990 jenjang Sennheiser Bluetooth wireless headsets sen 1 agi aser EMI ita shia sen 3,389 nungi tenzüka angutsü.
HDFC credit card nungi EMI transaction süra Flipkart ajanga sen 8,000 meyiba agütsütsü.
Pixel 2 indang screen ya inch 5 aser Pixel 2 XL indang screen ya 6-inch Fill-HD OLED den 18:9 aspect ratio lir. Phone anaprong indang tesülen aser tejaklen camera nung Portrait Mode amshitettsü.
Iba phone tesülen aliba camera nung Optical Image Stabilisation (OIS) aser Electronic Video Stabilisation (EVS) technology keta lir aser iba ajanga noksa aser video tejangjaba tangokteter.
Apple Live photos ama Pixel 2 aser Pixel 2 XL indang camera ajanga ‘Live Photo’ agiteter aser noksa second 3 tashi record süteter.
Iba smartphone anaprong nung Snapdragon 835 processor aser 4GB RAM keta lir.
Pixel 2 ya November 1 nungi ayoktsü aser Pixel 2 XL ya November 15 nungi ayok tenzüktsü.