GPRN-i Pewang Konyak asüba mangyimer

Dimapur, Tsüklai 17 (TYO): Deputy Kilonser, Konyak Region, Wb. Pewang Konyak anojungi Tsüklai 16, 2018 nü Nikos Hospital Dimapur nung asüba osang angashia Government of the People’s Republic of Nagalim-i mangyimer, ta GPRN Ministry of Information & Publicity-i sangdong ka nung metetdaktsü.
Sheanghah Chingnyu yim nungi Khowang Konyak’er jabaso asür, Pewang Konyak-i 2009 küm Tsükai 21 nü linük tenzükba mapa nung dena liasü, aser pai pa tasünü tashi menden balala nung kanga melungsoa kanga nendaka linük tenzükogo; Pa asübaji Naga linük atema kanga takoksa aser pa melenzüktsüji tasak asutsü; Naga linük atema pai akhümketa linük tajungtiba nung tenzükbaji GPRN-i teti bilemtettsü, ta sangdong nung shia lir.
“Iba ama mangyim jashi mapang nung linüki mangyim lemsateper aser ajak takoksang Tsüngrem dang mangyimer kibong nem tanelar tashi agüja melung sünepjang ta sarasademtsür. Asür tanela tatem makai anisüngzükangma,” ta kasa sangdong ajanga lemsatep.