GPRN-i Sashilemba Pongen asüba mangyimer

Dimapur, November 19 (TYO): Ao Region Deputy Kilonser, Wb. Sashilemba Pongen mapang talangka shiranga aruba sülen November 18, 2017 nü Mokokchung jila nung anojungi asüba osang angashia GPRN-i jashia mangyimer, ta tanü Cabinet Secretary to the GPRN, D.G Robert-i sangdong ka ajanga metetdaktsü.
Mokokchung district kübok Longjang yim nungi asür, Imtinungkum Pongen’er jabaso, asür Sashilemba-i 1992 küm Naga Army nung linük tenzükba wadang nung aden. Pai temelung ajak agi kanga nendaka sepai nungi Deputy Kilonser tashi menden balala nung linük tenzüka aruogo. Pa asüba ajanga Naga linüki takoksa ajurua tapok adokogo. Pai linük tenzükba mapaji GPRN-i kodang mamadoktsü, ta sangdong nungsa shia lir.
“Iba ama mangyim mapang nung linüki tejashi lemsateper aser ajak takoksang Tsüngremi mangyimer kibong nem tanela tashi aser tesünep agüjang ta sarasademtsür. Asür tanela tatem makai tesünep nung anisüngzükdakjang,” ta kasa sangdong ajanga lemsatep.

You must be logged in to post a comment Login