Grammys 2018: Maren Morris, Eric Church, Brothers Osborne nunger-i asürtem nem tetushi agütsütsü

Los Angeles, Aenjeti 19 (Agencies): Country artists Maren Morris, Eric Church aser Brothers Osborne nungeri 2018 Grammy Awards sentong nung kentenba sentong balala nung kiralongra temi aser nisung tamajungertemi prangbong agi akhaba nung asürtem nüngtem nung special performance ka agütsütsü.
Las Vegas Route 91 Harvest festival nung prangbong agi nisung kati kentenba sentong nung adener 51 khasetba aser nisung 500 dak tema yirutsüba lendong ya matalok taüngda Morris, Church aser Osborne nungeri iba sentong nung shilem agia liasü, ta variety.com sangdong ka ajanga metetdaktsü.
“Live kentenba sentong ajanga fans tem nem kentenba jangratema angatsü asoshi sabang tajung ka agüja liasü. Tejashitsüka taoba küm tem tsüngda nung iba ya melenshiogo,” ta Recording Academy, President/CEO Neil Portnow-i ashi.
“Onoki iba amala tesasatsü lendong nung asürtem atema tetushi agütsütsü nüngdaker ta bilemer aser aji dang masü saka musician aser music meimer tem dang live music ya asenok longjemdaktsüba tashi tulu ka ta metetdaktsüner,” ta Grammy Awards, executive producer, Ken Ehrlich-i ashi.
Iba sentong ya Aenjeti 28 nü New York nung akatsü asoshi renema lir. Taoba mapang nung iba sentong nung shilem agitsüpur sangdongba tem rongnung Alessia Cara, Cardi B, Miley Cyrus, Childish Gambino, Daddy Yankee, Luis Fonsi, Elton John, Kesha, Khalid, Lady Gaga, Kendrick Lamar, Little Big Town, Logic, Patti LuPone, Bruno Mars, P!nk, Ben Platt, Sam Smith, SZA, aser U2 nunger densema liasü.