Gujarat candidates mapang tetemsü nungang sangdongtsü: BJP

New Delhi, November 16 (Agencies): BJP-i Gujarat assembly election atema party candidate tem aika shimogo aser candidate tem tenüngji mapang tetemsü nungang sangdongtsü, ta tanü party lenir kati metetdaktsü.
“Gujarat election atema menden timbaka asoshi shimogo aser tenüngtemji mapang tetemsü nungang sangdongtsü,” ta Union minister, JP Nadda-i metetdaktsü.
BJP Central Election Committee (CEC) senden tembangba sülen osangbenertem senden nung jembidang minister-i, menden kar atemabo tesülen ang o lemteptsü, ta ashi.
CEC senden tembangba sülen candidate tem tenüng sangdongtsü ta party ticket nungi toktepner aikati imlaa liasü, saka mesangdong.
CEC sendenji party Tir, Amit Shah leniba nung agi, aser iba senden nung Ato kilonser, Narendra Modi, home minister Rajnath Singh, external affairs minister Sushma Swaraj, Gujarat chief minister Vijay Rupani aser election committee züngsemtem dena liasü.
Gujarat deputy chief minister, Nitin Patel, BJP state in-charge Bhupender Yadav aser state BJP Tir, Jitu Vaghani nungera ghonda ana senden nungji densema liasü.
Assembly menden 182 atema Gujarat election December 9 aser December 14 nü agitsü aser December 18 nü vote azüngtsü.
Nadda-isa Karnataka nung legislative council elections atema jembia liasü.
“Karnataka legislative council election dak sendakba nung menden trokprongla atema tenüng sangdongogo. Tenüngtemji website nung angutsü,” ta pai ashi.
Ayanur Manjunath-i South-West Graduates menden nungi tokteptsü, Ganesh Karnik-i South-West Teachers nungi, B Niranjan Murthy-i South Teachers, KB Shrinivas-i North-East Graduates, Haalanur S Lepakshi-i South-East Teachers aser A Devegowda for Bangalore Graduates constituency menden nungi tokteptsü.