Gurgaon nung saisapong university lapoktsü akhanger: Inderjit Singh

Gurgaon, July 28 (Agencies): Union Minister Rao Inderjit Singh-i, Gurgaon nung saisapong university lapoktsü atema yangji aliba yimdak alirtemi ali acre 100 panchayat nem agütsütsü mulungogo anungji kasaji inyaktsü tenzükang, ta Haryana Chief Minister Manohar Lal Khattar dangi shidi ka yokogo.
Delhi-Jaipur-Mumbai National Highway 8 nung Pachgaon anasa aliba Gwalior yimertemi saisapong university aser academy lapoktsü asoshi Haryana sorkar nem ali acre 100 angati agütsüogo.
Gurgaon nungi BJP sorkar nung Union minister of state for statistics & programme implementation, planning & defence, Rao-i ashiba agi, yimtak lirtemi agütsüba aliji National Highway 8 aser Kundali-Manesar-Palwal (KMP) Expressway anasa aliba ajanga saisapong university lapoktsü asoshi kanga tetemsü tesem lir.
Union minister-isa ashiba agi, Gurgaon ya mapang talangka saisapong tsütsü pei sülen dang asür anungji iba ama university ka kanga nüngdaker.