Guwahati-i aoba train nung timtem agütsür army 3 apu

Kanpur (Uttar Pradesh), July 18 (Agencies): Tanü Honibar ni Kanpur nung Guwahati-i aoba train, NorthEast Express nung passenger tem nem timtem agütsüba atema army asem puogo, ta Government Railway Police (GRP) ketdangsertemi osang ka ajanga metetdaktsü.
Kanpur atongba sülen train station nung NorthEast Express train passenger tem jagi GRP dang, army asem jagi parnok dak teka sangshia merenshi aser train general compartment tem nungi ayazüka luang ta amokmeren ta shia ken o ka agütsü, ta Government Railway police station In-charge, Tripurari Pandey-i ashi.
Iba sülen army temji Guwahati-i aoba train nungi apu. Army asemji – Madhya Pradesh nungi Deepu Sharma aser Shishupal Singh na aser Bihar nungi Ajay Kumar nunger liasü, ta GRP ketdangserisa ashi.
Army ketdangsertem dang iba osang metetdaktsüogo aser parnok dang asüngdangyaba aser bushisüngdangba tenzükogo, ta ketdangserisa shisem.

You must be logged in to post a comment Login