H&FW department-i sangdonger

Dimapur, Tsüklai 15 (TYO): Directorate of Health & Family Welfare department sangdong ka ajanga Medical Emergency Evacuation atema Ambulance Services Health Units balala nung aliba metetdaktsüogo. Anungji taruba election nung Medical Emergency Evacuation atema nüburtem dang Toll Free Number 102 den mesera ambulance service agütsüba anasatiba center den indang indanga tongteprateptsü asoshi ketdangsertemi mepeshia metetdaktsüogo.
Maneni kasa sangdong ajangasa Health Units balala nung Medical Services tsütsü tashishitsü alibatem, Directorate Grievance Redressal Cell dangi iba number; @ 8413-09- 5255 nung call mesera SMS süa tongteprateptettsü, koba 24×7 lapoka alitsü, ta metetdaktsü.