Hindu Mahasaba-i Godse nem tetushi agütsü

Ranchi, November 17 (Agencies): Akhil Bharat Hindu Mahasabha züngsemtemi Brihostibarnü Ranchi nung aliba Mahatma Gandhi Marg nung Nathuram Godse nem tetushi agütsü.
Mahatma Gandhi tepsetsang, Godse nem tenüngsang agütsüba sentong ya tang mezüng Jharkhand nung ayongzüka akar.
Hindu Mahasabha state Tir, Vijay Kumar Mishra-i, “Nathuram Godse-a Hindu Mahasabha nung shilem ka liasü aser onoki pa tangatetbatem sülen anidaker. BJP aser RSS-ibo pa indang jembitsü memelunger, kechiyong yimjak nung Godse pusemra parnoki yimtenren nung takoksa angutsü ta tsübur. Ajisüaka tanü lanur shilem 60 dak temaibo Gandhi tangatetbatem masü saka Godse tangatetbatem nung amanger. Onoki pa asüba anogomong amonger, aser iba ya pa indang tangatetbatem proktsü atema lir,” ta metetdaktsü.
Mishra-i, “Nisungtemi tangbo ochi meteta kümdar. Gandhi-i asen linük nüchiso atema rara nung shilem agiaka pai Hindu nunger anema inyakba nunga shilem agi. Nisung ka tepsetba atema nisung ka aitsüra, Partition mapang nung nisung lakh pongu asübaji Gandhi ajanga lir,” ta ashi.