Hockey Test Series: N Zealand-i goal 2-0 agi India akok

Nelson, October 06 (Agencies): New Zealand teloki goal 2-0 agi India telok madak takok ngua asaya 4 densemba Test Series tentenzükba asaya nung tanü Mongolbar nü shilem agiogo.
Tan October 2 aser 3 nü terenemshiba agia asayaba asaya 2 nung India-i goal 3-1 aser 2-1 agi N Zealand A telok madak takok ngua asayabaren ajunga amajok küma India-i tanü tamakok ajurua liasü.
Tanü asaya tenzüker minute 5 buba nung Nick Haig-i goal 1 agüja par N Zealand telok temaba jenjang kümdaktsü.
Jared Panchia-ia minute 27 buba nung goal 1 agütsüba ajanga par N Zealand teloki goal 2-0 agi India madak takok angu.
Par telok anati taruba asaya asüng, Bodbar nü asayatsü renema lir.

You must be logged in to post a comment Login