Hornbill tenetnübuba nung sobaliba sentong agi

Kohima, December 07 (TYO): Hornbill benjungmong tenetnübuba nung tanü Naga Heritage Village, Kisama nung Naga nunger sobaliba balala sayaa liasü; tanü tongti tesemdangerji Lt. Gen. Abhay Krishna UYSM, AVSM, SM, VSM, GOC-IN-C Eastern Command liasü aser tetushi tejaokerji Sumit Mitra, Board Member, Godrej Industries & Associated Companies liasü.
Yimchungrü nungeri Song of Feast, Müyanberü Müyampuhrü Jiyuk Achihkhün ajanga sobaliba sentong tenzüka liasü, iba sülen Chang tsürtemi tenütsü nung teptsü teper yartsüngsangba ajanga shilem agi.
Ano Lotha nungeri yar tsüngsang ken ‘Ponchon Lona Benkai Oli Eri Nandang Shari Okhen’ aten, Garo tribe-i ‘Badi Dake Nai Ade’ ken aten, Rengma nungeri ‘Gunyon Kenshen’ ken aten; Sangtam nungeri tsük asendang atenba ken ka aten aser Phom nungeri tanur amoi yokdang atenba ken ‘Nau ü Asho’ aten.
Hornbill benjungmong tenetnübuba nung Youth Net den tongtibang nisung aika aden, parnok rongnnung – Rahul Gama, Head of HR, Godrej Consumer Products Limited, Vikas Goswami, Head Of Sustainibility Godrej Industries (GCPL), Narendra Ambwani, Independent Director, GCPL, Sagarika Bose, Lead Sustainibility Godrej Industries, Amrita Pur-ka-yastha, Board Manager, B-Blunt aser Sustainibility of Godrej Goods & Green Deputy General Manager, Poulomi Pal nunger liasü.
Tanep sobaliba sentong nung Sumi nungeri tetsüng agi raratepba ‘Apukhu Kiti’ saya, Chakhesang nungeri arr atsütepba, Kuki nungeri ‘Khulkon Lam’ yar tsüngsang, Zeliang nungeri ‘Hecha Lim Python’ tsüngsang, Aoertemi ‘Arpu Tsüngsang’, Kachari nungeri ‘Nan Dihonba’ jilushi, Khiamniungan nungeri takok anguba tsüngsang ‘Elie Zuihang’, Pochury nungeri ‘Muru Kowthring’ tsüngsang aser Angami nungeri sobaliba saisapong ‘Niechüthunonyü’ ajanga shilem agia liasü.

You must be logged in to post a comment Login