IAF Marshal, Arjan alima nungi pilaogo

New Delhi, Sept. 16 (Agencies): 1965 küm India-Pakistan rara mapang nung Indian Air Force sepaitem anisang, Marshal Arjan Singh Honibarnü New Delhi nung temulungjang tashidak agi süogo; pa arishi küm 98 liasü.
Pa temulungjang tashidak atuba sülen pa ilonga Army Research & Referral Hospital-i anir oa pa nem ventilator support agüja liasü.
Air Force officers rongnung five-star rank ngua alir rongnung tambusangji pa liasü, iba den külemi Field Marshal jenjang den kasa jenjang angur IAF officer ji pa dang liasü.
Tanü Ato kilonser, Narendra Modi aser Union Defence Minister, Nirmala Sitharaman natia hospital-i oa pa semdanga liasü.
Iba sülen Ato kilonser, Modi-i twitter ajanga, “Indian Air Force nung Marshal, Arjan Singh tekaraba nung taneptsü angutsü atema onok ajaki sarasademtsüdar. Doctor temi tajungtiba agi pa anepaludar,” ta metetdaktsü.
Marshal Singh ya 1964 küm August 1 nungi 1969 küm July 15 nü tashi Chief of the Air Staff inyaka liasü aser pa arishi küm 50 alidang 1970 küm mapa nungi anisüngzük.
India-Pakistan rara mapang nung pai shilem junga agiba atema pa nem Padma Vibhushan award agüja liasü.

You must be logged in to post a comment Login