ICC ODI Rankings Top 10 nung Virat Kohli züngsemogo

India nungeri cricket kanga sapua asayateper, aji oda süaka tawa International Cricket Council-i One Day International asaya nung asayar (Batting) tajungtiba 10 shimtetba rongnung India nungibo Virat Kohli ang jenjang asembuba nung züngsemogo.
Mezüngbuba jenjang nung South Africa nunger De Villiers (874), tanabuba Australia nunger David Warner (871) aser tasembuba jenjang nung India nunger Kohli (852) lir.
Rohit Sharma 12buba, MS Dhoni 13buba aser Shikhar Dhawan 15buba ta top 20 tashi nung ang züngsemer. Kasa jenjang nung South Africa aser England nung asayar pezüzü New Zealand nung asem Australia aser Pakistan nung anana ta züngsemogo.
Ano, ball aoner rongnunga India nunger top 10 rongnung shinga shimtettsüsa asayar maliasü. Top 20 nunga Axar Patel-i jenjang 11buba ang ngutet.