ICCR Ideologist sempet tanabuba Prof. Yu Long Yu-i nguogo

Indian Council for Cultural Relations (ICCR) Ideologist sempet tanabuba 2016 küm atema China nunger Prof. Yu Long Yu nem December 1, 2016 nü linük Tir, Pranab Mukherjee-i Rashtrapati Bhavan, New Delhi nung agütsüogo.
Pa ya Indian Studies Centre, Shenzhen University nung Professor aser Director mapa inyaker.
Yu Long Yu-i küm tenem dak tali Indology azüng aser South China nung pa ya Indology nung mongin ka lira ser ano pai Centre for Indian Studies aser Tan Yunshan Sino-Indian Friendship Museum, Shenzhen University nung tenzük.
Iba sempet ya küm shia senpet sen US$ 20000 agütsür. Taoba küm mezüngbuba süa Germany nunger Prof. Heinrich Freiherr Von Stietencron-i agizük.