Independence Day 2015 atema senden agi

Dimapur, July 15 (TYO) : July 15, 2015 nü State Home Commissioner, Neihu C. Thur, IAS-i pa idnang office nung Independence Day 2015 atema senden ka ayongzüka agiogo.
Iba senden nung department ketdangsertem ajak aden aser parnoki sentong den department balala indang teinyaktsütem lemsatep.
Tanü agiba senden nung ceremonial parade, sempet agütsütsü aliba, Security, sobaliba sentongtem, Rostrum anepaluba, achiajemtsü, gari lenmang yanglushitsü aser Commissioners-XI o Police Veteran-XI na tsüngda Exhibition football match, DGP Brass Band, Assam Rifle’s Pipe band, Adolescence band aser retreat onüktem benoka jembiogo.
Dimapur nunga Independence Day nüngtem nung DC Conference Hall, Dimapur nung senden ka agiogo.
Dimapur ADC, Elizabeth Ngully lenisüba kübok agiba senden nung Office ajak nungi tekolaktem, NGOs aser Assam Rifles nungertem aden.

You must be logged in to post a comment Login