Inderjeet-i World University Games otsü tasen yanglur

Gwangju, July 08 (Agencies): India nunger shotput aoner, Inderjeet Singh-i tang South Korea kübok Gwangju nung tasayadak World University Games nung gold agizüka otsü tasen ka yangluogo.
Arishi küm 27 tain Singh-i tan gold agizükba sülen World University Games gold agizüker mezüngbuba India asayar küma ostü yanglur lir.
Inderjeet-i shotput mezüng aondang foul menazük saka tanabenbuba aondang shotput-ji meter 18.79 tonga aser tasembenbuba aondang meter 18.95 tonga ondok.
Ano, pezübenbuba aondang meter 19.80 tonga aon aser pungobenbuba aser tatembangbuba nung shotput-ji meter 20.27 tonga ondokba sülen mezüngbuba jenjang ngua gold medal-ji agizük.
Tawa Thailand nung ayongba Grand Prix tetoktepba nung gold 3 aser China kübok Wuhan nung ayongba Asian Athletics Championships nunga gold medal 1 agizüksang, Singh-i sangküm 2016 Rio Olympics nung shilem agitsü jenjanga nguogo.