India-i Organisation of Islamic Cooperation aitsü

New Delhi, September 16 (Agencies): United Nations (UN) nung Organisation of Islamic Cooperation (OIC)-i Kahmir tebilemtsü benokba atema India-i aitsüogo.
Hokolbarnü UN nung Kashmir onük benokba mapang India-i “OIC-i India linük sasep indang onüktem nung tebang aittsü makok” ta ashi.
UN nung Pakistan-i iba dak sendakba onük ka benokba anema jembidang Geneva nung India indang Permanent Mission to the UN First Secretary, Sumit Seth-i “Organisation of Islamic Cooperation-i ashiba osanji tiyazü aser India kübok Jammu & Kashmir state indang osang tiyazü enoka lir” ta ashi.
“J&K ya linük nung tongtipang aser pila maoba shilem ka lir” ta Seth-i ashi aser tarutsü nung OIC-i iba dak sendakba onük mashii mejembitsü shisem.
UN nung Pakistan-i OIC tenüng nung jembiba sülen ‘India’s Right of Reply’ mapang Sumit Seth-i iba osang metetdaktsü.
OIC-i tang mezüng atema Kashmir tebilemtsü indang jembir masü. Parnoki J&K nung human rights alema mapa inyakba atema jembia arur saka India-i mapang shia telangzüba agüja arur.
OIC ya alima nung linük 57 agi tentetba telok ka lir aser parnoki parnok Muslim nunger külem ola ta ashir.