India nung ASUS indang VivoBook S14 laptop sayaogo

New Delhi, Tsüklai 14 (Agencies): Rasemnü (Wednesday) Taiwan nunger electronic oset yangba company tetsüti ASUS puri India nung laptop tepungba tasen ka; VivoBook S14 sayaogo. Iba laptop jenjang ya sen 54,990 nungi tenzüka angutsü aser Flipkart ajanga alitettsü.
‘Valentine Day’ nüngtem nung iba laptop ya offer nung sen 44,990 agi, Flipkart nung alitettsü.
ASUS VivoBook S14 specification tsütsü reprangdangra, iba laptop nung inch-14 indang ‘Nano Edge’ display ka keta aliba angutsü. Laptop nung 7bubu generation Intel Core i3 processor ajanga tashi agutsütsü. Storage atema DDR4 RAM 8GB aser 256 GB SSD storage keta lir. Maneni, laptop amshirtemi khen kongshidang mela mela log in asütsü atema, backlit keyboard aser integrated touchpad fingerprint sensor den “Windows Hello” inokja lir aser iba laptop battery ya ghonda 8 tashi tsüktetsü.