India nung sen 86,042 jenjang Yamaha FZS-FI sayaogo

New Delhi, Aenjeti 12 (Agencies): India nung FZ series küm 10 ajungba bilemteta India Yamaha Motor (IYM) Pvt. Ltd. ajanga FZS-FI (149cc) motorcycle tasen sayaogo. Iba motorcycle tasenba jenjang sen 86,042 (ex-showroom, Delhi) agi angutsü. Tejenba nung aliba ama, iba FZS-FI tasenba nung 149cc, air cooled, fuel injected, 4-stroke, SOHC, 2-valve, single cylinder engine keta lir aser iba den külemi FZS-FI motorcycle nung 220 mm hydraulic single rear disc brake aser 282 mm front brake keta lir, aser iba ajanga stability aser control tajungba kümdaktsür.
Item temelenshi den külemi FZS-FI tasenba nung sporty wheel design den mirror design tasen inoka lir. Iba motorcycle tasenba ya ‘Armada Blur’ sentsü nung angutsü. Linük nung Yamaha dealers ajak nung iba bike ya angutsü aser FZS-FI ya IYM (India Yamaha Motor Pvt. Ltd.) ajanga yanglutsü aser YMIS (Yamaha Motor India Sales Pvt. Ltd.) ajanga ayoktsü.
Iba motorcycle tasenba sayaba sentong ka nung jembiba mapang, Senior Vice President, Sales & Marketing, Yamaha Motor India Sales Pvt. Ltd. nung Senior Vice President, Roy Kurian-i, “India nung Yamaha indang FZ series ya unique motorcycling nungi bener aruba lir. India nung iba motorcycle sayaba anogo nungi tenzüka küm ter tashi motorcycle amshirtemi kanga sabua amshia, nisung million aika mulungjang kokteta iba bike ya lenmang nung kibur ka ama kümogo. Iba FZS-FI tasenba nung tereprangtsü kisüng ajungba masü saka engine technology temaba, totzü tajema achir,” ta ashi.