India nung Xiaomi indang Mi LED Smart TV 4 sayaogo

New Delhi, Tsüklai 14 (Agencies): Rasemnü (Wednesday) India nung Xiaomi indang smartphone ana; Redmi Note 5 aser Redmi Note 5 Pro den külemi, Xiaomi company indang mezüng, Mi LED?Smart TV?4 sayaogo. Iba TV jenjang ya sen 39,999 alitsü aser Tsüklai 22 nü nungi tenzüka Flipkart, mi.com, aser offline channel tem ajanga angutsü.
Xiaomi puri ita asem tsüngda TV alirertem nem, Sony LIV aser Hungama channel free subscription agütsür aser iba den ano angati Mi IR cable connection aser installation company-i agütsütsü.
Xiaomi company-i ashiba agi iba TV ya “alima nung LED TV tapuba lir”. TV tasazük ya mm 4.99 alitsü. Mi LED Smart TV 4 nung display inch 55 4HK HDR alitsü.
Maneni TV indang specification tsütsü reprangdangra, Iba TV nung Amlogic 64-bit quad-core processor den Mali-T830 graphics keta alitsü. TV nung internal storage atema 2GB RAM aser 8GB alitsü. Audio output atema Dolby+ DTS Cinema keta alitsü.
Connectivity tsütsü reprangdangra, Mi LED Smart TV4 nung HDMI port 3, 3.0 USB ana den 2.0 port USB keta aliba angutsü aser dual-band Wi-Fi aser 4.0 Bluetooth dena support asütsü.
India atema, Xiaomi indang smart TV 4 nung Patch Wall OS (Operatin System) aketba angutsü. Iba dak talila, Smarter set-top box (STB) experience aser personalised recommendation den clean UI keta alitsü.
Xiaomi-i India indang channel; Hotstar, Voot, Sony LIV, Hungama Play, Viu, AALTBalaji, aser TVF den partnership yangluogo.
Maneni, Mi LED TV 4 nung taruba 2018 FIFA asaya live Sony LIV ajanga reprangtettsü. Tanurtem atema alakteta Voot, aser Hungama original channel keta aliba angutsü.

You must be logged in to post a comment Login