India nunger tepsetsangi tai nangzükogo

London, July 09 (Agencies): Ki malir nisung kati India nunger arishi küm 50 tain ka pai tepset, ta nangzükogo, ta media ajanga Bodhbar nü metetdaktsü.
India nunger, Baljit Singh ya yaküm December 23 aonung par jabaso asoshi ‘birthday cake’ ka bentsüi aoba mapang sama. Iba sülen January 1 nü par kidang nungi kilometre 10 shi pilar ‘Beeches Road,’ Rowley Regis nung pa tasümang angu.
Post-mortem agiba mapang pa kolak nung yiruba tarak aser tekong nung kotari agi arangba tarak putet.
Iba ken o nung arishi küm 33 tain, Millership apu. Yaküm December 31 nü Millership yagi Singh meyong gari auya, ta temulung malemba ken o nung pua liasü, ta Birmingham Mail osang ajanga ashi.
Millership-i tatok meshiba obendangdak memetetdaktsüa ka pai Singh’er kibong dang tatok meshiogo, ta pa okatsüri ashi.
Pai, “Baljit Singh asüba atema tejashi aser Singh kinüngtsü aser jabaso temulung zürepba shia bilemtsür,” ta ashi.
Iba ken o ya ano ‘Wolverhampton crown court’ nung taruba hopta angadangtsü sentong lir.