India Open: Sindhu semifinal tongogo; Praneeth, Kashyap tsükogo

New Delhi, Tsüklai 02 (Agencies): Rogonü (Friday) India tsür PV Sindhu-i bena aliba title tanaben yutettsüsa mera tajung ka agia sen $350,000 jenjang India Open Super 500 badminton asayamung nung semi-finals tongtetogo. Sindhu-i Spain tsür World No. 36, Beatriz Corrales madak 21-12, 19-21, 21-11 agi akok.
Olympic nung silver medal angur, PV Sindhu-i semifinal nung 2013 World champion, Thailand tsür Ratchanok Inthanon den asayatsü.
Ajisüaka, India nunger badminton asayar teburtem atema tejashitsü anogo ka liasü. Parupalli Kashyap aser B Sai Praneeth nungertem pai tata asaya nung tamakok ngua tournament nungi tsükogo.
Commonwealth Games champion, Kashyap aser China nunger Qiao Bin na tsüngta teburtem kija quarter-final asayaba nung Bin-i 21-16, 21-18 agi Kashyap tsükdaktsü.
Eight seed Praneeth-ia pa den asayar ama kera maasayaba ajanga tia makai Taiwan nunger Chou Tien Chen-i 21-15, 21-13 agi tsükdaktsü.
Tebur tarep asaya nung top seed, Indonesia nunger Marcus Fernaldi Gideon aser Kevin Sanjaya Sukamuljo-i India nunger Manu Attri aser B Sumeeth Reddy madak 21-19, 21-19 takok ngutetta lir. Tetsür tarep asaya nung, six seed Ashwini Ponnappa aser N Sikki Reddy-i, China tsür Du Yue aser Li Yinhui madak 17-21, 21-23 agi tamakok angu. India tsür Jakkampudi Meghana aser Poorvisha S Ram nati Thailand tsür second seed Jongkolphan Kititharakul aser Rawinda Prajongjai madak 10-21, 15-21 tamakok angu.
Kasa asayamung tetsürtem kija asaya nung taoba hopta Indonesian Masters final tongtetla aser India tsür Sania Nehwal, India Open nungi China tsür World No.11, Beiwen Zhang-i 21-10, 21-13 agi tsükdaktsüogo.