India tenüng nung Keshavan aser Jagdish-i Winter Olympics nung shilem agitsü

New Delhi, Tsüklai 2 (Agencies): PyeongChang Winter Olympics asayamung Tsüklai 9 nungi tenzükba mapang India tenüng nung ‘Luger’ asayar Shiva Keshavan aser cross country ‘ski’ asayar Jagdish Singh nati shilem agitsü.
Arishi küm 36 tain, Keshavan ya linük nungi Winter Olympic asayar tajungtibata züngshir. Pai 1998 küm Nagano, Japan nungi shilem agia arua tan agi trokbenbuba Winter Olympics nung shilem agitsü. India tenüng nung pai 2002, 2006, 2010 aser 2014 Winter Olympics nung shilem agia liasü. India tenüng nungisa Jagdish Singh-i pa asoshi mezüngbuba Winter Olympics, PyeongChang, South Korea nung shilem agitsü.
2010 Vancouver Winter Olympics nung India nungi züngsem asemi, Keshavan, Jamyang Namgial (alpine skiing) aser Tashi Lundup (cross-country skiing) shilem agia liasü.
maneni 2014 Sochi Winter Olympics asayamung nung alpine skiing asaya nung Keshavan aser Himanshu Thakur, aser cross-country skiing asaya nung Nadeem Iqbal, ta India tenüng nung shilem agia liasü.