iPhone 8 aser iPhone 8 Plus nung A11 Bionic processor keter sayaogo

San Francisco, September 13 (Agencies) : Monglubarnü Apple-i iPhone 8 aser iPhone 8 Plus phone tem sayaogo. Iba phone ana nung glass tasen aser aluminium design den augmented reality (AR) tajangshiba agütsütsü asoshi A11 Bionic chip keta lir.
Item phone meraksatsü asoshi durable glass inoka lir, aser India nunga September 29, 2017 nü nungi sentsü asem nung angutsü — space grey, silver aser gold.
iPhone 8 aser iPhone 8 Plus na nung 64GB aser 256GB amshitetsü aser item phone jenjangji sen 64,000 nungi tenzüka lir, ta Apple Authorised Reseller temi ashi.
Apple-i design asüba accessory tem leather aser silicone case tem sentsü balala nung sen sen 3,100 nungi tenzüka angutsü. Lightning Docks-a sen 4,700 agi angutsü.
“iPhone 8 aser iPhone 8 Plus na ya iPhone indang putu tasenba osettem lir, koba nung iPhone nung nüngdakba temelenshi ajak keta lir,” ta Apple Worldwide Marketing nung Senior Vice President, Philip Schiller-i sangdong ka ajanga ashi.
“Camera ajanga noksa aser video tangokba inyakyim tanga ajak dang khenyongi tajungtiba keta aliba, iPhone 8 aser iPhone 8 Plus na ya wire mamshii charge sütetba ajanga tamshirtem mapa mebuludaktsür,” ta pai shisem
Tzü aser aoi maitsüsa inokja aliba glass dena yangluba phone ana ya tapu tenet aliba sentsü amshia yangluba lir.
Tasenba 4.7-inch aser 5.5-inch Retina HD display tem keta aliba smartphone ana nung na meküa aliba tesangwa den putepa reprangtettsüsa sentsü temesüng melenshia amshitettsü asoshi True Tone keta lir.
A11 Bionic, koba kanga tashi tait aser smartphone nung keta aliba chip rongnung teyakyakba lir, iba nung six-core CPU design den performance cores ana dena lir koba nungsa shilem 25 agi tekaratiba aser efficiency cores pezü, koba shilem 70 agi A10 Fusion den tekaraba lir, item oset dena lir.
2nd generation inyakyim ka cores trok prongla khen nung azüokteter, aser mapa aika khen nung inyakba mapang noklang nung shilem 70 agi tekaraba inyakteter.
iPhone 8 Plus nung aliba camera temji AR tajangshiba agütsütsü asoshi custom yimya nung yanglua lir. Camera shia nem pei nija mapa balala lemsaja lir, aser noksa tangokdang arakzüba azüoktsü atema ‘accelerometers’ keta lir.
Camera tasen nung yagi smartphone ajanga tangokba video quality rongnung kangasa tajungtiba aser 4K video tem 60fps aser 1080p slo-mo nungi 240fps tashi tua tangokteter.
Glass back design ajanga world-class wireless charging süteter.